الطريقه الصحيحه للحمام المغربى بالمنزل

بنانيتي الحلوين

من فترة كده بدأنا نسمع في مصر عن حاجه اسمها الحمام المغربى .. الدلكة المغربيه و الخ الخ

و بنات كتيييييييييييييييير اوى اوى _ و من ضمنهم انا _ نزلوا الطرق من على النت و جربوها و مفيش نتيجه كويسة

بس لحد ما لقيت الطريقة الصح و جربتها و نفعت الحمد لله

و كتبت الموضوع ده لما لقيت بنات كتير تستهل تروح صالونات التجميل _ بما فيها من الكشف عن عورتها _ و الواحده بقت بتخاف اوى من بعد ظهور الموبايل بكاميرا و ممكن اي حد يصور و انت مش واخده بالك

الطريقة ديه للبنات الحلوين في البيت

** الادوات

1- البانيو

لازم يتوافر عندكم في البيت بانيو مهم جدا جدا في الحمام المغربى ..

اذا لم يتوافر بانيو ممكن تجربيها بدونه و لكنى لست متاكده من النتيجه وقتها

2- الصابون المغربى _ يباع عن العطار او يوجد ماركات منه الان تباع في الصيدليات ايضا _

3- الليفة المغربيه

طيب اشمعنى يعني الليفة المغربى ؟؟

لانها تتميز يخشونه معينه تساعد على ازالة الجلد الميت

يمكن العثور عليها عند العطار

اما اذا لم تتوفر نستبدلها ب اي ليفة خشنه

4- ماء ورد او ملح

5- صابونه الديتول

الطريقة :

1- اغلقى جميع منافذ الهواء _ بل الله يكرمكم سيبوا برضه جزء يدخل منه الهواء لو هتعدوا فترة لحسن البخار يتجمع و يغمى عليكم في الحمام و لا حاجه _

2- املئ البانيو بالماء الدافئ و ضعى فيه ( اما ملح او ماء ورد )

3-انتظرى حتى يمتلا الحمام بالبخار ثم اجلسى في البانيو لمدة 10 دقايق الى ربع ساعه ..و اذا لم يتوافر عندك البانيو يمكنك رش الماء بالملح على جسدك و الاكتفاء بالجلوس في البخار

4- في هذه الاثناء طبعا شعرك لازم هيكون مرفوع فيمكنك عمل حمام زيت او حمام كريم و يفضل حمام الكريم لان مفعوله سريع في وقت قليل بعكس حمام الزيت يحتاج الى ساعتين مثلا لمفعول قوى

5-بعدها اخرجى من الماء و ضعى الصابون المغربى على جسدك كله بالفرد و ليس الدلك وزعيه بالتساوى على كامل جسمك ثم اجلسى في البخار لمدة 10 دقايق على الاقل _ و كلما زادت المدة يكون افضل لكن برضه ربنا يخليكم مفيش واحده تعد لى ساعتين تتحرق و لا يجي لها اختناق و تقولى انا السبب _

6- ازيلى الصابون من على جسدك بالماء و بعدها قومى باحضار الليفة المغربى من الماء و قومى بفرك جسدك براحه يدك في شكل دوائر او تموجات و ستجدين ان الجلد الميت الزائد يتساقط بسرعه

7- بعد الانتهاء من الفرك الكامل اغسلى جسمك بالماء البارد لغلق المسام ثم اغسليه بصابونه الديتول _ اذا كانت بشرتك حساسه و جافه يمكن استبدال الديتول بدوف _

8- بعدها ضعى على جسدك ما تشائين .. ان احببت يمكنك وضع زيوت للترطيب او مسحه بماء الورد او لو كنتى متزوجه يمكنك وضع كريم له رائحه مخصوص للجسم _ وقتها يتمصه الجسم و يعطيه رائحه تدوم فترة طويلة _

9- لا ينصح باستخدامه على الوجه للبشرة الحساسه ..

يمكن الطريقة في البداية صعبه لكن اذا داومتى عليها تكون جزء من حياتك تلاحظين الفرق في نعومة جسمك داومى عليها مرة في الشهر لا اكتر و لا اقل فهى نسبه معقوله جدا

موضوع: بارك الله فيك تسلمى 2007-10-25, 11:24 pm

عن تجربه بجد هايل وله مفعول السحر حلو اوى يا ليالى تسلمى وربنا يبارك فيكى وديما تعلمينى حاجات مفيده

ه

تقبلى مرورى